1 John 3
1Fye gye shi eyi Dada eshe nya yeyi nsun, har woi ye ge a yi yi ge owo aɓi–gaiciyai nu yi zhin wo aɓinu, ama aza n mwa begye nɓa ta kpe Shekwoyi yen, ɓata kpe lo ge yi zhin owo aɓi nun, 2E, omi anugundo, yi zhin Shekwoyi aɓinu nsaiye, yi ta mi ya kpe enya ye nkwo ɓe lon, ama yi kpe lo ge, esa, n wa ɓe n cei yi ɓa wu ngye wo, ntuge yi ɓei gyewo shi wo wu. 3Oza n wo ga ɓeye gaiciya wo ɓa shi wohin n gyi-gyi-yi, shi Kristi nwohin gyi-gyi-yi nyi.4Ama aza n ɓa gyi abye n laiti zhinyi, ɓa zhin Shekwoyi nuwunyi nu, gama ata zhin alaifi doho-dohoyi n Shekwoyi ɓeye yi nun. 5Fyei kpe lo ge wo ɓei la ze zanyikwoci n na bai wa ku yi alaifi ya, woi to n laifi owohin nyan, wo to na Shekwoyi ɓeye zhin ɓo nsaho-sahoyi n, n zokwo doho-dohoyin, 6Ntu cenu n yi wo vivi-wyi n woi, yi vi wo ɓo, yi ta gyi abye n laifi zhinyin, ama aza nɓa gyi abye n laifi zhin yi nyi, kwo kunce ɓa kpe ge, Ɓa zhin alaifi ntu ge ɓa to shin woye kpe nun, kwo ɓa to ze owo anyan.
7O, Omi aɓi, fye toye zaha wa dna fye kwoce n, nfya zhin ɓemana n esai vinya, kwo wunu ge fye zhin aza manayi nu ngye wohin. 8Ama n fya gyi abye n ɓenukwoyi zhinyi, kwo wunu ge fye zhin Shetan nyanu, oza n wo ɓei ya laifi zhin to wa shan ka nkwon, ama Shekwoyi Nugun ɓei ɓe ntuge wa wun shetan atnu-tnu ya nu. 9Oza n na la wo ma dna n Shekwoyi aɓi wo ta gyi abye n laifi zhin yin, ntuge nsaiye Shekwoyi wye-wyeyi dnalo n wo, ntuce wo ta gyi abye n laifi zhin yin, ntuge ala wye-wyeyi woi-woyi ye ma dna nwo, kwoi wanwo shi, alawo shanma.
10Nlonu yi ɓa mi ya wu oza n wo zhin Shekwoyi ɓi, n zayi n wo zhin shetan nya. Oza nwo sase dnalo n laifi to woi ye nwo azaje yin, wa wunu ge woto dnalo n Shekwoyi aɓin. 11Gama nabari n yi ɓei wo tunyi n kmisunyi, okwonu ge yi ye n na ajeyi.
12Yi to ku ze ngye Kayinu, nwo ɓei zhin shetan nya, wa wu owo mado nyin. Kninu ɓei zhin wa wu woa? Ntuge Kayinu ɓei zhin woi zhin ɓenukwoyi, wo ɓei n cei kpe n ge owo mado zan-zan ɓei gna wo nya bmiya. 13Ntucenu ce to wo fye n, emi anugundo ndei anyi wun yi nun.
14N ya ye n na a Yesu-viyi ajeyi kwa wunu ge alayi gni n na anapi, ai la wye wyeyi nyalo-nyalo nya gayi. Ama oza n wo taye n wo aje yin wo lo efi nyalo-nyalo nya. 15Oza n wa wun owo Yesu-viyi do nu, wo zhin zawuyi nu. Fye kpelo ge oza to lo n wo wu oza nwo wye-wyeyi nyalonyalo nyayi lo-lo nwo min. 16Yi kpelo ge ye-ye hin-hin kun n Kristi aba nu, ngye shi wa fi ntu nyi ɓo nyi, ntu cenu kwo kunce lo ya gayi awye-wyeyi ntu n yi a Yesu-viyi aje ɓo.
17Ama ndei oza n wo zhin Yesu-viyi wo n na agyiwyeyi lo nwo ɓa sase n dagma, wa gye zado n na awyekwoyi to wa bmawo zhin, Shekwoyi ye-ye dnalo n wuna nu nwo miʼa? 18Omi aɓi, yi fa ɓeda ɓo n gbeyi ge yi ye eyi azaje lo, yi ye ɓa cewo ya wu ɓa n yi aɓo zhin-zhin. 19Nnavun yi ɓe kpe dei-dei n yi aɓezhin, nge yi malo n Shekwoyi bwa, nsai eyi abugba ɓe bwa lafiya, kwo esa n ya gni-agni zhin n Dagayi abye. 20Ama n yi n na abugba anukwoyi, kwa gnayi ge yi ku ɓenukwoyi zhin, Dagayi ɓa gna kwo wo, gama wo kpe ɓeye lo vinya n yi zhin.
21Ama emi a nugundo ye-yeyi ndei eyi abugba gyi-gyi-yi lo, yi ɓa mi ya ɓe Dagayi aba n bugba kalayi n tna edna. 22Ya bwa enya n yi nya, ntuge yi vi wo ɓo lo, yi zhin oɓo n wo ye. 23Enya nyi n Shekwoyi wa gna ge yi zhin, Yi ga gaiciya n Yesu Kristi owo Nugun eye, ya ye n na jeyi. 24Aza n ɓa zhin enya n Shekwoyi wa da ɓa sease lo fi n Shekwoyi owohin nɓa mi, Yi kpelo deye kwo zhin gaiciya nu, n tuge Zafun Gyi-gyi-yi n wa gayi nyi wo gna yi nlonu.
Copyright information for
GbrGAW